گیان واپی تنازعہ، اے ایس آئی سروے کی درخواست پر مسجد انتظامیہ کمیٹی کو سپریم کورٹ کی نوٹس

نئی دہلی: سپریم کورٹ نے وارانسی کے گیانواپی مسجد تنازعہ میں آرکیالوجیکل سروے آف انڈیا (اے ایس آئی) کے ذریعہ سروے کرانے کے لئے ہندو فریق کی درخواست پر مسجد انتظامیہ کمیٹی ‘انجمن انتفاضہ مسجد’ کو نوٹس جاری کرکے 17 دسمبر 2024 تک اپنا جواب داخل کرنے کی جمعہ کو ہدایت دی ۔

جسٹس سوریہ کانت اور جسٹس اجل بھوئیاں کی ڈویژن بنچ نے متعلقہ فریقوں کے دلائل سننے کے بعد یہ نوٹس جاری کیا ہندو فریق کی عرضی میں ’شیولنگ‘ پائے جانے والے علاقے کا اے ایس آئی سروے کرانے کی درخواست کی گئی ہے۔

سپریم کورٹ نے قبل ازیں مسجد کے اندر کے علاقے کو سیل کرنے کا حکم دیا تھا، جہاں 16 مئی 2022 کو عدالت کے سروے کے دوران مسجد کے تالاب میں مبینہ طور پر ایک ‘شیولنگ’ ملا تھا، جسے مسلم فریق نے فوارہ قرار دیا تھا۔

سپریم کورٹ نے کہا کہ بہتر ہوگا کہ مقدمہ کو نچلی عدالت، ضلع جج کے سامنے رکھا جائے، جہاں اہم مقدمہ زیر التوا ہے۔ ایسا کرنے کے بعد ہائی کورٹ شواہد کا از سر نو جائزہ لینے والی پہلی اپیل کورٹ ہو سکتی ہے۔

سپریم کورٹ نے کہا کہ سیل شدہ علاقے کا اے ایس آئی سروے اور مقدمات کی دیکھ بھال (جس کے بارے میں مسلم فریق کا دعویٰ ہے عبادت گاہوں کے قانون 1991 کے تحت پابندی ہے) عدالت تمام مسائل کی ہفتہ وار یا پندرہویں بنیاد پر سماعت کر سکتی ہے ۔

سپریم کورٹ نے اس معاملے پر غور کے لیے اگلے ماہ کی تاریخ مقرر کی ہے۔ہندو فریق نے دعویٰ کیا کہ وارانسی میں کاشی وشوناتھ مندر (بارہ جیوترلنگوں میں سے ایک) کو سب سے پہلے 1194ء میں قطب الدین ایبک کی فوج نے تباہ کیا تھا۔

سن 1669 عیسوی میں اورنگ زیب نے مندر کو دوبارہ تباہ کر دیا اور اس کی جگہ گیانواپی مسجد تعمیر کرائی، انہوں نے دعویٰ کیا کہ مندر کی باقیات مسجد کی بنیادوں، ستونوں اور عقبی حصے میں دیکھے جا سکتے ہیں۔ہندو فریق نے دلیل دی کہ جب مسلم فریق ‘شیولنگ’ کو فوارہ کے طور پر بیان کر رہا ہے، تو تنازعہ کے مناسب فیصلے کے لیے سروے کرنے کی ضرورت ہے۔