امداد کے منتظر فلسطینیوں پر اسرائیلی حملے میں متعدد افراد شہید

غزہ: غزہ شہر میں انسانی امداد کے منتظر کئی فلسطینی اسرائیلی حملے میں ہلاک اور متعدد زخمی ہو گئے ہیں۔

حماس کے زیر انتظام وزارت صحت کے ترجمان اشرف القدرہ نے اتوار کو ایک پریس بیان میں یہ اطلاع دی۔

فلسطینی سیکورٹی اور طبی ذرائع نے بتایا کہ اسرائیلی فورسز نے غزہ شہر کے جنوب میں کویت چوراہے پر آٹے سے لدے امدادی ٹرکوں کے انتظار میں کھڑے لوگوں پر فائرنگ کی۔

اس سے قبل اتوار کو اسرائیلی جنگی طیاروں نے غزہ پٹی کے وسطی علاقے دیر البلاح میں انسانی امداد لے جانے والے ایک چھوٹے ٹرک پر بمباری کی، جس میں کم از کم آٹھ افراد ہلاک ہو گئے۔

ان واقعات پر اسرائیل کی جانب سے فوری طور پر کوئی تبصرہ نہیں کیا گیا۔