انجینئر رشید کو پارلیمنٹ میں حلف لینے این آئی اے کی اجازت

نئی دہلی: نشنل انوسٹی گیشن ایجنسی (این آئی اے) نے پیر کے دن جیل میں بند کشمیری رہنما شیخ عبدالرشید عرف انجینئر رشید کو 25 جولائی کو رکن پارلیمنٹ کی حیثیت سے حلف لینے کی اجازت دے دی۔

ایڈیشنل سیشن جج چندر چت سنگھ‘منگل کو حکم صادر کریں گے۔ بارہمولہ کے آزاد رکن پارلیمنٹ رشید نے جو 2017 کے جموں و کشمیر دہشت گرد فنڈنگ کیس میں گرفتار ہیں حلف لینے اور پارلیمانی فرائض انجام دینے کے لیے عبوری ضمانت یا کسٹڈی پیرول کے لیے عدالت سے رجوع کیاتھا۔

22جون کو خصوصی عدالت نے معاملہ کی سماعت ملتوی کرتے ہوئے این آئی اے کے سے جواب مانگا تھا۔

پیر کے دن این آئی اے کے وکیل نے کہاکہ انجینئر رشید کی حلف برداری بعض شرائط کے تابع ہوگی۔ تہاڑ جیل میں بند انجینئر رشید کو ساری کارروائی ایک دن میں ہی مکمل کرلینی ہوگی۔