راہول گاندھی کی لیہہ آمد، کئی پروگراموں میں شرکت کریں گے

لیہہ: کانگریس قائد راہول گاندھی جو آج لیہہ پہنچے‘ مختلف پروگراموں میں شرکت کریں گے جس میں ان کے والد و سابق وزیراعظم آنجہانی راجیوگاندھی کے یوم ِ پیدائش کا پروگرام بھی شامل ہے۔

بعدازاں وہ کارگل کا دورہ کریں گے۔ ایک سینئر پارٹی قائد نے آئی اے این ایس کو بتایا کہ راہول گاندھی 25 اگست تک لداخ ریجن میں رہیں گے۔

انہوں نے کہا کہ سابق پارٹی صدر جمعہ کے روز نوجوانوں کے ساتھ بات چیت کریں گے اور لیہہ میں ایک فٹبال میاچ میں بھی شرکت کریں گے۔

19 اگست کو راہول گاندھی ڈوبرا وادی کا دورہ کریں گے اور 20 اگست کو وہ پینگانگ جھیل پہنچیں گے۔

پینگانگ جھیل پر ایک پروگرام کا اہتمام کیا گیا ہے تاکہ راجیو گاندھی کا یوم ِ پیدائش منایا جاسکے۔ ایک پارٹی قائد نے یہ بات بتائی۔