راموجی راؤ کی آخری رسومات سرکاری اعزازات کے ساتھ ادا کرنے تلنگانہ حکومت کا فیصلہ

حیدرآباد:تلنگانہ کی کانگریس حکومت نے راموجی راؤ کی آخری رسومات تمام سرکاری اعزازات کے ساتھ ادا کرنے کا فیصلہ کیا ہے جو حیدرآبا دکے ایک اسپتال میں علاج کے دوران چل بسے۔

وزیراعلی ریونت ریڈی نے کہا کہ ممتاز صنعت کار اور پدماوی وبھوشن ایوارڈ یافتہ راموجی راؤ کی موت سے بڑا صدمہ پہنچا ہے۔کانگریس حکومت نے راموجی راؤ کی آخری رسومات تمام سرکاری اعزازات کے ساتھ ادا کرنے کا فیصلہ کیا ہے۔

وزیراعلی جو کانگریس ورکنگ کمیٹی (سی ڈبلیو سی) کے اجلاس میں شرکت کے لیے دہلی میں ہیں، نے ٹوئیٹ کرتے ہوئے کہا کہ راموجی کو تلگو صحافت میں ساکھ میں اضافہ اور تلگو فلم انڈسٹری کی قدر میں اضافہ کا سہرا جاتا ہے۔انہوں نے کہا کہ تلگوپریس اور میڈیا کا شعبہ کبھی بھی اس خلا کو پر نہیں کر سکے گا۔