تلنگانہ

حکومت پر سنگارینی کارکنوں کے حقوق سلب کرنے کا الزام

سابق رکن اسمبلی کورکانتی چندر نے کہا کہ کانگریس حکومت سنگارینی کارکنوں کے حقوق کو پامال کررہی ہے۔ انہوں نے مطالبہ کیا کہ سنگارینی کمپنی کے خالص منافع کا 33 فیصد مزدوروں میں بانٹ جائے۔

حیدرآباد(منصف نیوز بیورو) سابق رکن اسمبلی کورکانتی چندر نے کہا کہ کانگریس حکومت سنگارینی کارکنوں کے حقوق کو پامال کررہی ہے۔ انہوں نے مطالبہ کیا کہ سنگارینی کمپنی کے خالص منافع کا 33 فیصد مزدوروں میں بانٹ جائے۔

متعلقہ خبریں
شمس آباد کی مندر میں مورتی کو نقصان، ایک شخص گرفتار
فلم ”گیم چینجر“کے اضافی شوز اور ٹکٹ قیمتوں میں اضافہ کی اجازت سے حکومت دستبردار، احکام جاری
پرجاوانی پروگرام کی تاریخ تبدیل
سلائی مشینوں کی تقسیم، اہل عیسائی خواتین سے درخواستیں مطلوب
حکومت تمام مخلوعہ جائیدادوں پر تقررات کیلئے پر عزم: سریدھر بابو

تلنگانہ کول مائن ورکرس یونین کے صدر میریالا راجیریڈی کے ساتھ گوداوری کھنی میں بی آر ایس پارٹی آفس میں منعقدہ ایک میڈیا کانفرنس سے خطاب کرتے ہوئے چندر نے کہا کہ پچھلی بی آر ایس حکومت نے سنگارینی ورکرس کی فلاح و بہبود کے لیے کام کیا تھا اور حکومت پر زور دیا کہ وہ مزدوروں میں منافع کا حصہ تقسیم کرے۔

انہوں نے کہا کہ 6 اکتوبر کو سابق وزیر کوپلا ایشور کی قیادت میں گوداوری کھنی کے گاندھی چورہے پر احتجاجی مظاہرہ کیا جائے گا، جس میں سنگارینی کارکنوں کی محنت سے حاصل ہونے والے خالص منافع میں 33 فیصد میں حصہ داری دینے کا مطالبہ کیا جائے گا۔

انہوں نے کہا کہ کوئلہ پٹی کے علاقہ سے تعلق رکھنے والے سابق بی آر ایس ایم ایل ایز اور تلنگانہ کول مائن ورکرس یونین کے قائدین احتجاج میں شرکت کریں گے اور احتجاج کو کامیاب بنانے کے لیے تمام کول ورکرس یونینوں سے شرکت کی اپیل کی ہے۔