تلنگانہ: ناجائز تعلقات کا شبہ، شوہر نے بیوی کا قتل کردیا

حیدرآباد: خلیجی ملک سے واپس شخص نے اپنی بیوی کا قتل کردیا اور پھر خودکشی کی کوشش کی۔ یہ واقعہ تلنگانہ کے ضلع جگتیال کے تومباراوپیٹ علاقہ میں پیر کی صبح پیش آیا۔

اس واقعہ کی وجہ معلوم نہ ہوسکی۔آرلنگیا جو ملازمت کی تلاش میں بحرین گیا تھا، اتوار کی شام گھر پہنچا جہاں اس نے اس کی بیوی 44 سالہ جلاجا کواس وقت قتل کردیاجب وہ مکان میں سورہی تھی۔

بعد ازازں اس نے پولیس کے سامنے خودسپردگی اختیار کی۔پولیس اسٹیشن جانے سے پہلے اس نے کیڑے ماردواپی لی اورپولیس اسٹیشن پہنچنے کے بعد وہ بے ہوش ہوگیا۔

پولیس نے اس کو علاج کے لئے جگتیال کے سرکاری اسپتال منتقل کیا جہاں وہ زیرعلاج ہے۔مقامی افراد نے شبہ کیا کہ بیوی کے ناجائز تعلقات کے شبہ میں اس نے یہ واردات انجام دی۔

اس جوڑے کو دوبچے ہیں۔بیٹا، خلیجی ملک میں مقیم ہے جبکہ بیٹی کی شادی ہوگئی ہے۔