اٹاپٹو ون ڈے رینکنگ میں ٹاپ پر پہنچنے والی پہلی سری لنکن خاتون

دبئی: نیوزی لینڈ کے خلاف سیریز میں دو ناٹ آؤٹ سنچریاں بنانے کے بعد سری لنکا کی کپتان چماری اٹاپٹو منگل بلے بازوں کی خواتین کی ون ڈے رینکنگ میں ٹاپ پر پہنچ گئیں۔

اٹاپٹو سری لنکا کی پہلی خاتون ہیں جو ون ڈے رینکنگ میں سرفہرست ہیں۔ انٹرنیشنل کرکٹ کونسل (آئی سی سی) کی جانب سے جاری کردہ تازہ ترین درجہ بندی کے مطابق، اٹا پٹو 758 ریٹنگ پوائنٹس کے ساتھ خواتین کی ون ڈے رینکنگ میں سرفہرست ہے۔

اٹاپٹو چھ مقام آگے بڑھ کر آسٹریلیا کے بیتھ مونی کو پیچھے ہٹاکر فارمیٹ میں ٹاپ رینک والی بلے باز بنیں۔ انہوں نے نیوزی لینڈ کے خلاف پہلے ون ڈے میں ناٹ آؤٹ 108 رن بنائے، جس سے سری لنکا کو بارش سے متاثرہ میچ میں 172 کے ہدف کا تعاقب کرنے میں مدد ملی۔

 دوسرے میچ میں صفر پر آؤٹ ہونے کے بعد، اٹاپٹو نے فیصلہ کن تیسرے ون ڈے میں محض 80 گیندوں پر 140 رنز بنا کر اپنی ٹیم کو سیریز 2-1 سے جیتنے میں مدد کی۔

اٹا پٹو کے پاس اب 93 ون ڈے میچوں میں 15 نصف سنچریوں کے ساتھ آٹھ سنچریاں ہیں۔ اٹا پٹو کی ساتویں مقام سے سرفہرست کی چھلانگ کیوجہسے مونی، لورا ولوارڈٹ، نیٹ سیور برنٹ، میگ لیننگ، ہرمن پریت کور اور اسمرتی مندھانا سبھی ایک ایک مقام نیچے کھسک گئی ہیں۔

واضح رہے کہ تیسرے ون ڈے میں اپنی طوفانی اننگز کے دوران اٹاپٹو نے نیلاکشی ڈی سلوا کے ساتھ تیسرے وکٹ کے لیے 190 رنز کی شراکت داری کی، جو خواتین کے ون ڈے میں سری لنکا کے لیے سب سے بڑی شراکت داری ہے۔ سری لنکا نے بھی اٹا پٹو کی شاندار کارکردگی کی بدولت نیوزی لینڈ کے خلاف اپنی پہلی ون ڈے سیریز جیت لی۔