منگیتر سے ملاقات و گفتگو؟
رشتہ طے ہوجانے سے مردوعورت ایک دوسرے کے لئے حلال نہیں ہوجاتے ، وہ ابھی ایک دوسرے لئے اجنبی ہیں ، اگرچہ منگیتر کو دیکھنا جائز ہے ؛ لیکن یہ جائز ہونا ایک بار ہی ہے ؛ تاکہ وہ اس کی شکل و صورت کو جان لیں ، بار بار دیکھنے کی اجازت نہیں ہے:
سوال:- لڑکا اور لڑکی کے درمیان رشتہ طے پاگیا ہو ؛ لیکن ابھی نکاح نہیں ہوا ہو ، کیا وہ آپس میں ملاقات کرسکتے ہیں ، یا فون پر بات چیت یا موبائل پر میسج کا تبادلہ کرسکتے ہیں ، جب کہ وہ اس سے آگے نہ بڑھیں ؟ (عبدالقدوس، سکندرآباد)
جواب :- رشتہ طے ہوجانے سے مردوعورت ایک دوسرے کے لئے حلال نہیں ہوجاتے ، وہ ابھی ایک دوسرے لئے اجنبی ہیں ، اگرچہ منگیتر کو دیکھنا جائز ہے ؛ لیکن یہ جائز ہونا ایک بار ہی ہے ؛ تاکہ وہ اس کی شکل و صورت کو جان لیں ، بار بار دیکھنے کی اجازت نہیں ہے:
’’ وتقیید الاستثناء بما کان لحاجۃ أنہ لو اکتفی بالنظر إلیھا بمرۃ حرم الزائد لأنہ ابیح لضرورۃ فیتقید بھا‘‘ ( ردالمحتار: ۶؍۳۷۰)
اسی طرح خط و کتابت، فون پر گفتگو اور میسج ایسی باتیں ہیں جن کا مقصد لذت حاصل کرنا ہوتا ہے اور اجنبی مرد و عورت سے کسی بھی قسم کا تلذذ جائز نہیں ،
نیز اس طرح کا عمل انسان کو گناہ تک پہنچادیتا ہے ، اس لئے یہ سب باتیں جائز نہیں ہیں،
ہاں، اگر نکاح ہوجائے تو چاہے باضابطہ رُخصتی نہیں ہوئی ہو ، ان ساری باتوں کی گنجائش ہوگی ؛ کیوںکہ شرعاً نکاح کے بعد دونوں ایک دوسرے کے لئے حلال ہیں ۔
