ایشیاء

کابل میں خودکش دھماکہ، 19 افراد ہلاک

حکام نے بتایا کہ دھماکا شہر کے مغرب میں دشت برچی کے علاقے میں واقع کاج تعلیمی مرکز میں اس وقت ہوا جب طالب علم پریکٹس یونیورسٹی کے امتحان میں شریک تھے۔

کابل: افغانستان کے دارالحکومت کابل میں ایک تعلیمی مرکز میں جمعہ کو ایک خودکشی دھماکے میں کم از کم 19 افراد ہلاک اور 27افراد زخمی ہوگئے۔

https://twitter.com/BegiNajeeb/status/1575706393885040642

حکام نے بتایا کہ خودکش دھماکہ شہر کے مغرب میں دشت برچی کے علاقے میں واقع کاج تعلیمی مرکز میں اس وقت ہوا جب طالب علم پریکٹس یونیورسٹی کے امتحان میں شریک تھے۔

اس علاقے میں رہنے والوں میں سے بہت سے ہزارہ اقلیتی برادری سے تعلق رکھتے ہیں، جنہیں ماضی میں نشانہ بنایا جا چکا ہے۔ کسی گروپ نے ابھی تک اس دھماکہ کی ذمہ داری قبول نہیں کی ہے۔

https://twitter.com/ZamanBajwaa/status/1575745513294626817

طالبان کی وزارت داخلہ کے ترجمان نے کہا کہ سیکیورٹی ٹیمیں جائے وقوعہ پر پہنچ گئی ہیں۔

وزارت داخلہ کے ترجمان عبدالنافع تکور نے بتایا کہ شہری اہداف پر حملہ کرنا دشمن کے غیر انسانی ظلم اور اخلاقی معیار کی گراوٹ کو ظاہر کرتا ہے۔

https://twitter.com/KNN_NEWS_/status/1575738000704536576

طالبان گزشتہ اگست میں افغانستان میں دوبارہ اقتدار میں آئے اور طالبان قائدین کا کہنا ہے کہ وہ استحکام بحال کرنے کی کوشش کررہے ہیں۔ تاہم اسلامک اسٹیٹ گروپ کے حریف اسلام پسندوں کے حملے جاری ہیں۔

صرف ایک ہفتہ قبل ہی کابل میں اسی طرح کے ایک دھماکہ میں 7 افراد ہلاک ہوگئے تھے۔