ورلڈ کپ میں شکست کے بعد وزیر اعظم مودی کے ڈریسنگ روم کی ویڈیو سامنے آگئی

احمد آباد: ورلڈ کپ فائنل میں ہندوستان کی شکست کے بعد وزیراعظم نریندر مودی انڈین ڈریسنگ روم گئے اور تمام کھلاڑیوں کی حوصلہ افزائی کی۔ محمد سمیع کو وزیر اعظم نریندر مودی نے گلے لگا کر تسلی دی۔

جڈیجہ نے سوشل میڈیا پر ایک پوسٹ شیئر کرکے وزیر اعظم سے ملاقات کا اپنا تجربہ بھی شیئر کیا۔ وہیں اب ڈریسنگ روم کی ویڈیو بھی سامنے آئی ہے جس میں وزیر اعظم تمام کھلاڑیوں سے بات کر رہے ہیں۔

اس کے بعد وزیراعظم نریندر مودی نے محمد سمیع کو گلے لگا کر کہا کہ آپ نے اس بار بہت اچھا کیا ہے۔ وزیر اعظم نے سمیع کی پیٹھ پر تھپکی دے کر انہیں مبارکباد دی۔ اس کے علاوہ انہوں نے بمراہ سے بات کی اور کہا کہ آپ گجراتی بول رہے ہوں گے، جس پر بمراہ نے کہا ہاں، تھوڑا سا۔

وزیر اعظم نے ٹیم انڈیا کے کھلاڑیوں سے مزید کہا، "ایسا ہوتا رہتا ہے لیکن آپ لوگوں نے اچھی کرکٹ کھیلی ہے۔ اسی طرح ایک دوسرے کی حوصلہ افزائی کرتے رہیں۔ جب آپ لوگ فری ہوں تو دہلی آ جائیں اور ہم آپ لوگوں سے بیٹھ کر بات کریں گے۔” "وہاں۔ میری طرف سے آپ سب کو دعوت ہے۔”