گوا سے حیدرآباد کومنشیات لانے والے 4افراد گرفتار

حیدرآباد: گوا سے حیدرآباد کومنشیات لانے والے 4افراد کو گرفتار کرلیاگیا۔ سائبرآباد ایس اوٹی پولیس نے شہر حیدرآباد کے نواحی علاقہ رائے درگم علاقہ میں 32گرام کوکین ملزمین کے پاس سے ضبط کی۔

ملزمین کی شناخت اے پی کے راجمندری کے رہنے والے وکی، گوپی شٹی، راجیش، نریش کے طورپر کی گئی ہے۔ان کے خلاف این ڈی پی ایس ایکٹ کے تحت معاملہ درج کرلیاگیا۔

پولیس نے بتایا کہ یہ افراد اکثر گوا سے منشیات شہر لاکر اس کو فروخت کیاکرتے تھے۔ایک اطلاع پر پولیس نے اس گروہ کو گرفتار کیا جس کا اصل سرغنہ وکی بتایاگیا ہے۔

پولیس ملزمین سے پوچھ گچھ کررہی ہے تاکہ یہ پتہ چلایاجاسکے کہ کس کی ایما پر یہ افراد منشیات فروخت کررہے تھے اور اب تک انہوں نے کتنے افراد کو یہ منشیات فروخت کی ہے۔