میرے پاس اپنا کوئی گھر نہیں ہے: راہول گاندھی

رائے پور: کانگریس کے سابق صدر راہول گاندھی نے گھر سے اپنے جذباتی وابستگی کا ذکر کرتے ہوئے آج کہا کہ ان کے پاس اپنا کوئی گھر نہیں ہے۔

 آج یہاں کانگریس کے 85 ویں اجلاس میں اپنی بھارت جوڑو یاترا کے تجربات بیان کرتے ہوئے گاندھی نے کہا کہ 1977 میں جب وہ چھ سال کے تھے تو ان کی والدہ نے ان سے کہا کہ جس گھر میں وہ رہتے ہیں اسے خالی کرنا پڑے گا۔

کیونکہ وہ سرکاری ہے اور حکومت ہماری نہیں ہے، میں نے ان سے پوچھا کہ پھر کہاں جائیں گے تو جواب ملا پتہ نہیں۔

انہوں نے کہا کہ آج وہ 52 سال کے ہو گئے ہیں۔ میرے پاس گھر نہیں ہے خاندانی گھر الہ آباد میں ہے لیکن وہ بھی میرا نہیں ہے۔