جھارکھنڈ کے بی جے پی ایم ایل اے جے پرکاش پٹیل کانگریس میں شامل
ٹھاکر نے کہا کہ جئے پرکاش پٹیل ایک مضبوط لیڈر ہیں اور ریاست میں ان کا اچھا اثر ہے۔ پٹیل ان کے عزیز ترین لوگوں میں سے ایک ہیں اور ان کے والد ان کے دوست تھے اور وہ جھارکھنڈ کے ممتاز رہنماؤں میں سے ہیں۔
نئی دہلی: جھارکھنڈ اسمبلی میں بی جے پی کے وہپ اور مانڈو اسمبلی حلقہ کی تیسری بار نمائندگی کرنے والے جے پرکاش پٹیل آج اپنے حامیوں کے ساتھ کانگریس میں شامل ہوگئے۔
کانگریس کمیونیکیشن ڈپارٹمنٹ کے سربراہ پون کھیڑا اور پارٹی کے جھارکھنڈ انچارج غلام احمد میر، جھارکھنڈ اسمبلی میں کانگریس لیڈر عالمگیر عالم اور ریاستی صدر راجیش بھائی ٹھاکر نے چہارشنبہ کو یہاں پارٹی ہیڈکوارٹر میں منعقدہ ایک پریس کانفرنس میں مسٹر پٹیل کو پھولوں کا گلدستہ دے کر کانگریس میں شامل کیا۔
میر نے کہا کہ جھارکھنڈ سے بی جے پی کے کئی دیگر لیڈر اب بھی کانگریس سے رابطے میں ہیں۔ پٹیل کا کانگریس میں خیرمقدم کرتے ہوئے انہوں نے کہا کہ ان کی بی جے پی میں شمولیت کا اثر جھارکھنڈ کے دیگر علاقوں پر پڑے گا۔ وہ صاف ستھری سیاست کرتے ہیں اور ان کا مثبت سیاسی اثر کانگریس میں شامل ہونے پر موثر ہوگا۔
ٹھاکر نے کہا کہ جئے پرکاش پٹیل ایک مضبوط لیڈر ہیں اور ریاست میں ان کا اچھا اثر ہے۔ مسٹر پٹیل ان کے عزیز ترین لوگوں میں سے ایک ہیں اور ان کے والد ان کے دوست تھے اور وہ جھارکھنڈ کے ممتاز رہنماؤں میں سے ہیں۔
اس موقع پر پٹیل نے کہا کہ ان کے والد لال بابو جھارکھنڈ ریاست کی تعمیر کے اہم رہنما تھے اور وہ اپنے والد کے خوابوں کو پورا کریں گے۔ انہوں نے کہا کہ جھارکھنڈ کے لوگوں میں راہل گاندھی کے تئیں جوش ہے اور امید ہے کہ اس بار جھارکھنڈ سے کانگریس کو کافی اچھی کامیابی ملے گی۔
