وزیر اعظم مودی کے ہاتھوں راجستھان کی پہلی وندے بھارت اکسپریس کا افتتاح
مودی نے مزید کہا کہ وہ خوش نصیب ہیں کہ 2 ماہ میں انھوں نے 6 وندے بھارت ٹرینوں کا افتتاح کیا۔ وزیر اعظم نے مزید کہا کہ خودغرض اور نچلی سطح کی سیاست ماضی میں ریلوے کی تجدید پر چھائی رہی۔
جئے پور: وزیر اعظم نریندر مودی نے آج ویڈیو کانفرنسنگ کے ذریعہ راجستھان کی پہلی اور ملک کی 15ویں وندے بھارت ٹرین کو جھنڈی دکھاکر روانہ کیا۔ افتتاحی تقریب کو مخاطب کرتے ہوئے مودی نے کہا کہ وندے بھارت اکسپریس ”ہندوستان پہلے ہمیشہ پہلے“ جذبہ کو فروغ دیتی ہے۔
انھوں نے کہا کہ ٹرین کا نام ترقی، عصری ٹیکنالوجی، خودانحصاری اور استحکام کے لیے اسم بہ مسمیٰ ہے۔ وندے بھارت اکسپریس راجستھان میں سیاحتی صنعت کو بڑے پیمانے پر منفعت بخش ہوگی۔
مودی نے مزید کہا کہ وہ خوش نصیب ہیں کہ 2 ماہ میں انھوں نے 6 وندے بھارت ٹرینوں کا افتتاح کیا۔ وزیر اعظم نے مزید کہا کہ خودغرض اور نچلی سطح کی سیاست ماضی میں ریلوے کی تجدید پر چھائی رہی۔ وسیع پیمانے پر کرپشن نہ تو ریلوے کی ترقی ہونے دی اور نہ ملازمین کی انتخابی طریقہ کار کو شفاف رہنے دیا۔
نئی وندے بھارت ٹرین کی معمول کی خدمات کا آغاز 13 اپریل سے اجمیر اور دہلی کنٹونمنٹ کے درمیان ہوگا اور ٹرین جئے پور، الوار اور گروگرام پر توقف کرے گی۔ دہلی کنٹونمنٹ تا اجمیر فاصلہ 5 گھنٹہ 15 منٹ میں طے ہوگا۔