اسٹاک مارکیٹوں میں ابتدائی کاروبار میں تیزی

ممبئی: گھریلو اسٹاک مارکیٹوں میں جمعرات کو ابتدائی کاروبار میں تیزی رہی اور میٹلز و فارما سیکٹرز میں سرمایہ کار خریدار رہے۔

بی ایس ای کا 30 شیئرز والا حساس انڈیکس سینسیکس 338.14 پوائنٹس کے اضافے کے ساتھ 74,947.12 پر کھلا اور جلد ہی 75,000 کے نشان کو عبور کرکے 75,079.80 پر پہنچ گیا۔ خبرلکھے جانے کے وقت یہ 204.80 پوائنٹ (0.27 فیصد) اضافے کے ساتھ 74,813.78 پر تھا۔

گزشتہ کاروباری روز بھی مارکیٹ میں خریدار دیکھی گئی تھی۔ خاص طور پر اہم انڈیکس کے مقابلے وسیع تر مارکیٹ میں زیادہ تیزی رہی۔

نیشنل اسٹاک ایکسچینج کا نفٹی 50 انڈیکس بھی 117.65 پوائنٹس کے اضافے کے ساتھ 117.65 پر کھلا۔ تادم تحریر یہ 89.70 پوائنٹس یعنی 0.38 فیصد اضافے کے ساتھ 23,502.30 پر تھا۔

چوطرفہ خریداری کے درمیان آئی ٹی سیکٹر دباؤ میں ہے۔ دھات، فارما اور صحت کی دیکھ بھال کے شعبوں میں اچھی خریداری ہورہی ہے۔

سینسیکس کی کمپنیوں میں، اڈانی پورٹس، ٹاٹا اسٹیل، این ٹی پی سی، بھارتی ایئرٹیل، ایشین پینٹس، ٹرینٹ اور سن فارما کے حصص فی الحال اوپر ہیں۔ دریں اثنا، ایچ سی ایل ٹیکنالوجیز، ٹی سی ایس، انفوسس اور ٹیک مہندرا کے شیئر ایک دو فیصد کے درمیان گراوٹ میں رہے۔ ماروتی سوزوکی، انڈیگو اور ٹائٹن کے حصص بھی نیچے چل رہے ہیں۔