نبی کریم صلی اللہ علیہ وسلم کی ولادت کے 1500 برس مکمل، تنظیم فوکس حیدرآباد کی جانب سے تحریری مقابلے کا اعلان
حیدرآباد، 14 ستمبر: عالم انسانیت اس سال نبی اکرم صلی اللہ علیہ وسلم کی ولادت کے 1500 برس مکمل ہونے کا جشن منائے گی۔ اس موقع پر تنظیم فوکس حیدرآباد نے سیرت رسول صلی اللہ علیہ وسلم کو فروغ دینے کے لیے ایک تحریری مقابلے کا اعلان کیا ہے۔
مولانا احسن بن محمد الحمومی نے میڈیا پلس آڈیٹوریم، گن فاؤنڈری حیدرآباد میں پریس کانفرنس کے دوران اس مقابلے کی تفصیلات بیان کیں۔ مولانا نے بتایا کہ یہ مقابلہ نبی صلی اللہ علیہ وسلم کی زندگی اور تعلیمات کو ہر عمر اور طبقے کے لوگوں تک پہنچانے کے لیے منعقد کیا جا رہا ہے۔ اس تحریری مقابلے کے لیے اردو اور انگریزی میں مستند کتابیں فراہم کی جائیں گی۔
مقابلے کی تفصیلات:
- رجسٹریشن: 15 ستمبر سے 30 ستمبر تک
- زمروں:
- انٹرمیڈیٹ
- ڈگری
- پوسٹ گریجویٹ
- عام
ہر زمرے کے لیے سیرت رسول صلی اللہ علیہ وسلم پر ایک اردو اور ایک انگریزی کتاب تجویز کی گئی ہے۔ امیدوار اپنی پسند کے مطابق زبان کا انتخاب کر کے کتاب حاصل کر سکتے ہیں۔
انعامات:
- پہلا انعام: ہر زمرے کے لیے لیپ ٹاپ
- دوسرا انعام: ٹیبلٹ
- تیسرا انعام: 6000 روپے مالیت کی کتابیں
انعامات طلباء و طالبات (مرد و خواتین) کے لیے علیحدہ علیحدہ ہوں گے۔
مولانا الحمومی نے مزید کہا کہ تنظیم فوکس حیدرآباد نے 2024-2025 میں نبی اکرم صلی اللہ علیہ وسلم کی ولادت کے 1500 برس کی تکمیل کے موقع پر مختلف پروگرامز کا بھی انعقاد کیا ہے، جس میں مختلف شعبہ ہائے حیات کے افراد کو شرکت کرنے کا موقع دیا جائے گا۔
مزید معلومات کے لیے فون نمبرات 9032191696، 9014430815 یا 8179354764 پر رابطہ کریں۔
