جرائم و حادثات

تلنگانہ کے بھدرادری کوتہ گوڑم میں سلسلہ وار کئی گاڑیوں کا تصادم

تلنگانہ کے بھدرادری کوتہ گوڑم میں سلسلہ وار کئی گاڑیوں کا تصادم ہوگیا۔ یہ حادثات کھمم۔کوتہ گوڑم روڈ پر پیش آئے جس میں چارگاڑیوں کو شدید نقصان پہنچا۔

حیدرآباد: تلنگانہ کے بھدرادری کوتہ گوڑم میں سلسلہ وار کئی گاڑیوں کا تصادم ہوگیا۔ یہ حادثات کھمم۔کوتہ گوڑم روڈ پر پیش آئے جس میں چارگاڑیوں کو شدید نقصان پہنچا۔

متعلقہ خبریں
متلاشیان روزگار کو دھوکہ سے کمبوڈیا روانہ کرنے پر یو پی کے ایک شخص کی گرفتاری
جمعیتہ علماء ضلع نظام آباد کی مجلس منتظمہ کا اجلاس وممبر سازی مہم کا آغاز
ضلع مرکز میں 27 واں مفت سمر کراٹے کیمپ، طلباء کی صلاحیتوں کو نکھارنے کا سنہری موقع: چنہ ویرایا
اقلیتی طلبہ کے لیے UPSC امتحان کی مفت کوچنگ، درخواستوں کا آغاز
تلنگانہ میں آن لائن جوئے اور سٹے بازی میں خطرناک اضافہ، PRAHAR نے ریاست گیر سروے کا اعلان کر دیا

پہلا حادثہ اُس وقت پیش آیا جب سڑک پر رکی ایک لاری کو پیچھے سے دوسری لاری نے ٹکر دے دی۔ اس حادثہ کے نتیجہ میں پہلی لاری کا ڈرائیور کیبن میں بُری طرح پھنس گیا۔

اس حادثہ کودیکھنے کیلئے ایک اور لاری کے ڈرائیور نے اپنی گاڑی کو روکا اور وہ پھنسے ہوئے ڈرائیور کو بچانے کیلئے گیا تاہم ایک اور گاڑی اس کی لاری سے متصادم ہوگئی جس کے نتیجہ میں لاری کا ڈیزل ٹینک پھٹ پڑااور آگ کے شعلے نکلنے لگے اور تین لاریوں میں آگ لگ گئی۔

اس حادثہ اور آگ لگنے کی اطلاع کے ساتھ ہی فائربریگیڈ کے اہلکاروں نے وہاں پہنچ کر کافی جدوجہد کے بعد آگ پر قابو پایااورصورتحال کو قابومیں کیا۔

پولیس نے اس سلسلہ میں ایک معاملہ درج کرکے جانچ شروع کردی۔