نظام آباد: ریاستی وزیر ٹرانسپورٹ پونم پربھاکر ریڈی نے آلودگی سے پاک انٹرسٹی الیکٹرک بسوں کا افتتاح

نظام آباد: ریاستی وزیر ٹرانسپورٹ پونم پربھاکر ریڈی نے آج نظام آباد میں آلودگی سے پاک انٹرسٹی الیکٹرک بسوں کا افتتاح کیا۔ یہ بسیں عوامی سہولت کے پیش نظر حکومت کی جانب سے متعارف کروائی گئی ہیں۔ پہلے مرحلے میں نظام آباد کے لیے مختص 64 الیکٹرک بسوں میں سے 13 بسیں فراہم کی گئی ہیں، جو نظام آباد سے حیدرآباد کے جے بی ایس (جوبلی بس اسٹیشن) تک چلیں گی۔

بسوں کی تفصیلات بتاتے ہوئے، آر ٹی سی ریجنل منیجر نے کہا کہ یہ زیرو ایمیشن بسیں ہیں، یعنی یہ مکمل طور پر ماحول دوست ہیں۔ 12 میٹر لمبی یہ بسیں 369 kWh کی 12 بیٹریوں پر چلتی ہیں اور ان میں اینٹی لاک بریکنگ سسٹم کے ساتھ مکمل ایئر بریک سسٹم نصب کیا گیا ہے۔ بسوں میں مسافروں کی حفاظت کے لیے 4 سی سی کیمرے بھی لگائے گئے ہیں۔

بس میں 41 نشستوں کی گنجائش ہے اور اس کا کرایہ بالغوں کے لیے 360 روپے اور بچوں کے لیے 220 روپے مقرر کیا گیا ہے۔ وزیر ٹرانسپورٹ نے افتتاحی تقریب میں کہا کہ یہ الیکٹرک بسیں نظام آباد کے عوام کو آرام دہ اور ماحول دوست سفر کی سہولت فراہم کریں گی۔

اس موقع پر ایم ایل اے بودھن سدرشن ریڈی، نظام آباد رورل ایم ایل اے بھوپت ریڈی، نظام آباد اربن ایم ایل اے دھنپال سوریہ نارائنا، اور اردو اکیڈمی کے چیئرمین طاہر بن حمدان بھی موجود تھے۔