آندھراپردیش میں وندے بھارت ٹرین کے شیشے توڑدیئے گئے

حیدرآباد: آندھراپردیش کے وشاکھاپٹنم میں وندے بھارت ٹرین پر سنگباری کرتے ہوئے بعض نامعلوم افراد نے اس کے شیشے توڑ دیئے۔یہ واقعہ ضلع کے کنچناپالم میں پیش آیا۔

اس واقعہ میں دو کوچس کے شیشوں کو نقصان پہنچا۔ٹرائیل رن کے حصہ کے طورپردیکھ بھال کیلئے یہ ٹرین چینئی سے وشاکھاپٹنم لائی گئی تھی۔وزیراعظم اس ٹرین کاافتتاح کرنے والے ہیں۔

ریلوے کے عہدیداروں نے کہاکہ بعض نامعلوم افراد نے یہ حرکت کی ہے۔عہدیداروں نے کہاکہ اس واقعہ کے سی سی ٹی وی فوٹیجس کا تجزیہ کیاجارہا ہے تاکہ اس کو نقصان پہنچانے والوں کی شناخت کی جاسکے۔