خاتون کھلاڑی کا کرکٹ کے بعد تعلیمی میدان میں بھی شاندار مظاہرہ

نئی دہلی: ورلڈ کپ جیتنے والی ہندوستانی خواتین کی انڈر۔19 ٹیم کی کپتان شفالی ورما نے اب کرکٹ کی پچ کے ساتھ ساتھ پڑھائی کی پچ پر بھی اپنی صلاحیتوں کا مظاہرہ کیاہے۔

حال ہی میں شیفالی ورما نے اپنے انسٹاگرام اکاؤنٹ پر ایک تصویر شیئر کی ہے جس میں وہ ہاتھ میں 12ویں کی مارک شیٹ پکڑے ہوئے نظر آرہی ہیں۔ سی بی ایس ای نے 12 مئی کو 12ویں جماعت کے نتائج کا اعلان کیا جس میں شیفالی ورما نے 80 فیصد نشانات حاصل کئے۔

شیفالی 12ویں کلاس میں شاندار کارکردگی کا مظاہرہ کرنے کے بعد بہت خوش نظر آرہی ہیں اور اس نے اپنی مارک شیٹ کی تصویر سوشل میڈیا پر شیئر کی ہے۔ ہندوستانی خواتین کرکٹ ٹیم کی اوپنر شفالی ورما نے اپنے انسٹاگرام اکاؤنٹ پر ایک پوسٹ شیئر کرتے ہوئے کیپشن میں لکھکہ 2023 میں ایک اور بہت ہی خاص 80 پلس کو توڑا، لیکن اس بار 12ویں بورڈ میں۔

شیفالی نے اپنے آفیشل انسٹاگرام اکاؤنٹ پر تین تصاویر شیئر کیں۔ پہلی تصویر میں اس نے اپنی 12ویں کلاس کی مارک شیٹ شیئر کی ہے جسے وہ ہاتھ میں پکڑے ہوئے نظر آرہی ہیں۔ آخری تصویر جو انہوں نے شیئر کی وہ ان کی یادگار اننگز کھیلتے ہوئے تصویر ہے۔

ملک بھر سے شائقین شیفالی کو اس شاندار کارکردگی پر مبارکباد دے رہے ہیں۔ ہریانہ سے تعلق رکھنے والی شیفالی ہندوستانی ٹیم کی اوپننگ بلے باز ہیں اور اسپن بولنگ بھی کرتی ہیں۔

شیفالی نے 15 سال کی عمر میں ٹیم انڈیا کیلئے ڈیبیو کیا تھا۔ وہ اب تک ہندوستانی ٹیم کیلئے 2 ٹسٹ، 21 ونڈے اور 56 بین الاقوامی ٹی ٹوئنٹی میچ کھیل چکی ہیں۔ شیفالی نے سال 2022 میں انڈر 19 ٹیم کو ٹی ٹوئنٹی ورلڈکپ کا خطاب بھی دلایا تھا۔