بی آر ایس کا تاسیسی اجلاس

حیدرآباد: کارگزار صدر بی آر ایس کے ٹی راماراؤ نے کہا کہ پارٹی کے گٹ ٹو گیدر اجلاس مئی کے مہینہ کے اواخر منعقد کئے جاسکتے ہیں۔ انہوں نے کہاکہ 27 اپریل کو پارٹی تاسیسی اجلاس منعقد کیاجائے گا۔

سابق میں پارٹی کی جانب سے 27 اپریل سے قبل گٹ ٹو گیدر اجلاس مکمل کرلینے کی ہدایت دی گئی۔

کے ٹی راما راؤ نے کہاکہ اب ایک مہینہ کا اضافہ کرنے کے بعد بی آر ایس کے ساتھ منعقد کیا جاسکے گا۔

کے ٹی راماراؤ نے ضلع انچارج وزراء سے مقامی اراکین اسمبلی و ضلع صدر بی آر ایس کے ساتھ تعاون کرتے ہوئے ان تقاریب کااہتمام کرنے کی ہدایت دی۔

کے ٹی راما راؤ نے کہاکہ ان تقاریب کااہتمام اعلی قیادت اور پارٹی ورکرس کو ایک دوسرے کو قریب لاتے ہوئے ہر پارٹی ورکر کو بی آر ایس خاندان کا رکن ہونے کااحساس دلانا ہے۔

انہوں نے کہا کہ پارٹی کارکنوں میں اعتماد پیدا کرنا ہے کہ ہر حالت میں پارٹی قیادت ان کے ساتھ ہے۔

اس کے علاوہ حکومت کی جانب سے جاری فلاحی اقدامات کو عوام تک پہنچاتے ہوئے اپوزیشن کے گمراہ کن پروپگینڈہ کو ناکام بنانا ہے۔