سلمان خان کو گنجا دیکھ کر مداح بھی حیران رہ گئے(ویڈیو)

ممبئی: سلمان خان کو گزشتہ رات ممبئی میں نئے انداز میں دیکھا گیا۔ اداکار نے سیاہ رنگ کی ٹی شرٹ اور جینس زیب تن کر رکھی ہے جبکہ انہوں نے اپنا سر منڈوا لیا۔

ٹائیگر اسٹار کو سالوں بعد گنجا دیکھ کر مداح بھی حیران رہ گئے جبکہ سوشل میڈیا پر ان کے نئے انداز کے خوب چرچے ہورہے ہیں۔

سلمان خان کو اس سے قبل سن 2003 میں فلم ’تیرے نام‘ میں سر منڈوائے ہوئے دیکھا گیا تھا۔

اداکار نے ان کے پرستاروں میں جوش و خروش اور قیاس آرائیوں کی لہر دوڑا دی ہے۔ سلمان کے نئے روپ پر ایک مداح نے لکھا۔ "پرانا سلمان واپس آ گیا ہے،”۔

مداحوں نے یہاں تک قیاس کیا ہے کہ سلمان کا منڈوایا ہوا سر شاہ رخ خان کی آنے والی فلم جوان کے لیے پروموشنل حکمت عملی ہو سکتا ہے۔