آندھراپردیش میں چوروں نے پولیس کی گاڑی چوری کرلی

حیدرآباد: چوروں نے پولیس کی گاڑی کی چوری کرلی۔یہ واردات اے پی کے ضلع چتور کے پلمنیر میں پیش آئی۔تفصیلات کے مطابق اسپیشل انفورسمنٹ بیوروآفس کے سامنے ٹہرائی گئی گاڑی کل رات چوری کرلی گئی۔

کنٹریکٹ طریقہ کار کے مطابق پرائیویٹ گاڑی کو عہدیداروں نے حاصل کیاتھااوردفتر کے سامنے اس کو ٹہرایا تھا تاہم کل رات تقریبا ایک بجے چوروں نے اس کے دروازے کاقفل توڑکراس گاڑی کی چوری کرلی۔

صبح میں گاڑی کی عدم موجودگی پر عہدیداروں نے پولیس سے اس بات کی شکایت کی۔پولیس نے اس سلسلہ میں ایک معاملہ درج کرلیا۔دفتر کے باہر لگے سی سی ٹی وی کیمرہ میں چوری کی واردات کا فوٹیج قید ہوگیا۔