دہلی

جنسی ہراسانی: جنتر منتر پر ریسلرس کا احتجاج

نئی دہلی: ریسلر و بی جے پی لیڈر ببیتا پھوگاٹ نے اپنے ہم وطن احتجاجی ریسلر سے مرکز کے قاصد کی حیثیت سے ملاقات کی جو ملک کے اعلیٰ ریسلنگ ادارہ کے اہم عہدیداروں کے خلاف جنسی ہراسانی پر احتجاج کررہے ہیں اور یقین دلایا کہ تیزی کے ساتھ کارروائی کی جائے گی۔

متعلقہ خبریں
انتخابی ضابطہ اخلاق لاگوہونے سے قبل کسانوں کے مطالبات قبول کرلئے جائیں: جگجیت سنگھ
الیکٹورل بانڈس اسکیم، جبری وصولی ریاکٹ: راہول گاندھی (ویڈیو)
برج بھوشن شرن سنگھ کے خلاف چارج شیٹ پر جلد فیصلہ
کانگریس کا 139 واں یوم تاسیس
ساکشی ملک کے گھر جانا پرینکا کا ذاتی فیصلہ: برج بھوشن

مس پھوگاٹ دہلی کے جنتر منتر پہنچیں جہاں 200 سے زائد ریسلرس بشمول اولمپین وینیشن پھوگاٹ، ساکشی ملک اور بجرنگ پونیا ہیں۔ وہ حکومت کے ایک پیام کے ساتھ وہاں گئیں۔

9 مرتبہ کی کامن ویلتھ گیمس میڈلسٹ اور اولمپین مس پھوگاٹ جو پھوگاٹ بہنوں میں سب سے چھوٹی ہیں جن کی زندگی کو بالی ووڈ فلم دنگل سے تحریک ملی ہے اور اب وہ بی جے پی یوتھ ونگ بھارتیہ جنتا یوا مورچہ کی عہدیدار انہوں نے احتجاجی ریسلرس سے خطاب کیا اور کہا کہ میں پہلے ریسلر ہوں۔

بی جے پی حکومت ریسلرس کے ساتھ ہے اور میں اِس بات کو یقینی بناؤں گی کہ آج ان افراد کے خلاف کارروائی کی جائے گی۔ میں ریسلر ہوں اور حکومت میں بھی شامل ہوں۔ لہٰذا یہ میری ذمہ داری ہے کہ مصالحت کروں۔ انہوں نے کہا کہ میں نے اپنے کیرئیر میں ایسی خامیوں کے بارے میں سنا تھا جب آگ ہو تب دھواں نکلنا یقینی ہے، یہ آوازیں اہم ہیں۔

آئی اے این ایس کے بموجب کانگریس نے جمعرات کو وزیر اعظم نریندر مودی کو بی جے پی ایم پی اور ریسلنگ فیڈریشن آف انڈیا سربراہ برج بھوشن شرن سنگھ کے خلاف جنسی استحصال کے الزامات پر تنقید کا نشانہ بنایا۔ اُن سے دریافت کیا کہ کیا یہ بہتر ماحول اسپورٹس کے لئے حکومت نے وضع کیا ہے۔

اپوزیشن پارٹیوں کی تنقید اُس وقت سامنے آئی جب اسٹار ریسلر ونیش پھوگاٹ نے چہارشنبہ کو الزام عائد کیا کہ ریسلنگ فیڈریشن آف انڈیا (ڈبلیو ایف آئی) صدر سنگھ نے خاتون ریسلر کا برسوں سے استحصال کررہے ہیں اور اِس الزام پر اسپورٹس اڈمنسٹریٹر نے یکسر مسترد کردیا ہے۔

ہندی میں کئے گئے ٹوئیٹ میں کانگریس جنرل سکریٹری پرینکا گاندھی وڈرا نے کہا کہ ہمارے کھلاڑی ملک کا وقار ہیں، وہ ملک کو اپنے مظاہرہ کے ذریعہ عالمی سطح پر اعزاز لاتے ہیں۔ کھلاڑیوں نے ریسلنگ فیڈریشن کے خلاف استحصال کے سنگین الزامات عائد کئے ہیں اور اِس کے صدر کو اُن کی باتیں سنسنی چاہیے۔

اِس دوران کانگریس جنرل سکریٹری انچارج کمیونیکیشن جئے رام رمیش نے اپنے ٹوئیٹ میں کہا کہ بی جے پی قائدین بیٹیوں کے خلاف بے انتہاء زیادتیوں کے مرتکب ہوئے ہیں، جو بیٹی بچاؤ‘ وارننگ کے بعد کی گئی ہیں، جس کی ہدایت بی جے پی قائدین کو وزیر اعظم نے دی تھی۔

وزیر اعظم مہربانی فرما کر اِس کا جواب دیں۔ جناب وزیر اعظم بی جے پی کی جانب سے بیٹیوں کے خلاف کون لوگ ایسی زیادتیاں کررہے ہیں، یہ بات انہوں نے دریافت کی ہے۔ رمیش نے یہ بھی کہا کہ کل آپ نے کہا تھاکہ ملک میں اسپورٹس کے لئے ایک بہتر ماحول وضع کیا گیا ہے، کیا یہ بہتر ماحول ہے؟ کہ اُن بیٹیوں کو جو ملک کا نام روشن کرتی ہیں، وہ محفوظ نہیں ہے۔