کاماریڈی کے ماسٹرپلان میں تبدیلی کی جائے:کودنڈارام

حیدرآباد: تلنگانہ جناسمیتی کے سربراہ پروفیسر کودنڈارام نے کہا ہے کہ کاماریڈی ضلع کے ماسٹر پلان میں تبدیلیاں کی جانی چاہئیں۔ کودنڈارام نے کسان راملوکے خاندان سے ملاقات کی جس نے سداشیو نگر منڈل کے ادلور میں ماسٹر پلان میں زمین سے محرومی کے خوف سے خودکشی کر لی تھی۔

انہوں نے راملو کے خاندان کے ارکان سے تعزیت کا اظہار کیا اورا س واقعہ پر گہرے دکھ کااظہار کیا۔انہوں نے کہاکہ ماسٹرپلان کی وجہ سے کسانوں کے اپنی اراضیات سے محروم ہونے کا خدشہ ہے۔واضح رہے کہ حکومت نے ضلع میں انڈسٹرئیل زون کے قیام کی تجویز رکھی ہے جس کے نتیجہ میں کسانوں کو ان کی اراضیات سے محرومی کا خوف ہے۔