حیدرآباد کے کئی علاقوں میں بارش

حیدرآباد: شہرحیدرآباد کے کئی علاقوں میں جمعرات کی صبح اچانک بارش ہوگئی جس سے موسم خوشگوار ہوگیا۔

پرانا شہر کے تمام علاقوں کے ساتھ ساتھ نئے شہر کے علاقوں کرمن گھاٹ، چمپاپیٹ،اُپل،تارناکہ،جوبلی ہلز،بنجاراہلز،امیرپیٹ، فلم نگر،کرشنانگر،ایس آرنگر اور دیگر علاقوں میں بارش ہوئی جس کے نتیجہ میں بعض سڑکوں پر پانی جمع ہوگیا۔

اس بارش کے سبب اسکولس کو جانے والے بچوں اور دفاتر کو جانے والے افراد کو مشکلات کا سامنا کرناپڑا۔

اسی دوران محکمہ موسمیات نے نشاندہی کرتے ہوئے کہاکہ خلیج بنگال میں ہوا کے کم دباو کے نتیجہ میں تلنگانہ کے کئی مقامات پر آئندہ تین دنوں کے دوران بارش کا امکان ہے۔