تلنگانہ

تلنگانہ میں بی آرایس اپنی کامیابی کی ہیٹ ٹرک کرے گی: وزیرفائنانس

تلنگانہ کے وزیر فائنانس ہریش راو نے اس یقین کااظہار کیا ہے کہ جنوبی ہند کی اس ریاست میں حکمران جماعت بی آرایس اپنی کامیابی کی ہیٹ ٹرک کرے گی۔

حیدرآباد: تلنگانہ کے وزیر فائنانس ہریش راو نے اس یقین کااظہار کیا ہے کہ جنوبی ہند کی اس ریاست میں حکمران جماعت بی آرایس اپنی کامیابی کی ہیٹ ٹرک کرے گی۔

متعلقہ خبریں
کے کویتا نے امریکہ میں بیٹے کی گریجویشن تقریب میں شرکت، ماں ہونے پر فخر کا اظہار
مہاراشٹرا اسمبلی الیکشن میں حصہ نہ لینے بی آر ایس کا فیصلہ
پیپر ایکسپو 2025 – ہندوستان کی پہلی قومی پیپر نمائش، حیدرآباد میں منعقد ہوگی
مہدی پٹنم میں اسکائی واک کے تعمیری کام تیزی سے جاری
مرحومین کی طرف سے قربانی جائز، ثواب کا ذریعہ ہے: مفتی صابر پاشاہ قادری

انہوں نے منچریال ضلع کے حاجی پورمنڈل میں 80 کروڑ اور 50 لاکھ روپے کی لاگت سے پڈتن پلی لفٹ ایریگیشن پروجیکٹ کا سنگ بنیاد رکھا۔

اس موقع پر خطاب کرتے ہوئے انہوں نے کہاکہ جب ریاست کی حکمران جماعت بی آرایس کا انتخابی منشور سامنے آئے گا تو اپوزیشن کو دھکہ پہنچے گا۔

انہوں نے گذشتہ روز جلسہ میں بی جے پی کے قومی صدرجے پی نڈا کی جانب سے ریاست کی برسراقتدار پارٹی کونشانہ بنائے جانے پر ردعمل کااظہا رکرتے ہوئے کہاکہ نڈا کی آبائی ریاست میں زعفرانی جماعت کامیابی حاصل نہیں کرپائی، یہ کے چندرشیکھررو کی سرزمین ہے۔

انہوں نے کہاکہ بی آرایس حکومت نے خواتین کی فلاح و بہبود کو کافی اہمیت دی ہے۔کئی پروگرام جیسے کے سی آر کٹ، کے سی آر نیوٹریشن کٹ، گروہالکشمی، کلیانا لکشمی اسکیمات متعارف کی ہیں۔گذشتہ دس سال میں ریاست میں کافی ترقی ہوئی ہے۔

انہوں نے زوردیتے ہوئے کہا کہ تلنگانہ جس پر عمل کرتا ہے، ملک اس کی پیروی کرتا ہے۔ انہوں نے کہا کہ بی آرایس عادل آباد ضلع میں دس کی دس نشستوں پر کامیابی حاصل کرے گی۔

انہوں نے الزام لگایا کہ کانگریس وہ پارٹی ہے جس نے وزارت اعلی کی کرسی کے لیے مذہب کے نام پر سیاست کی۔