نواز شریف لاہور میں ریالی سے خطاب کریں گے

اسلام آباد: سابق وزیراعظم پاکستان نواز شریف 21 اکتوبر کو لندن سے واپسی کے بعد مینار ِ پاکستان لاہور میں ریالی سے خطاب کے ایک دن بعد عدالت میں حاضر ہوں گے۔

73 سالہ پاکستان مسلم لیگ نواز سربراہ مینار ِ پاکستان میں ریالی کے بعد اپنی پارٹی کی انتخابی مہم شروع کریں گے۔

پاکستان آبزرور نے پاکستان مسلم لیگ نواز کے صوبائی صدر پنجاب رانا ثناء اللہ کے حوالہ سے کہا کہ ریالی میں شرکت اور پارٹی کے قطعی منشور کے اعلان کے بعد نواز شریف دوسرے دن عدالت میں حاضری دیں گے۔

ایک دن قبل پاکستان کے قومی احتساب بیورو نے کہا تھا کہ وہ نواز کے خلاف کرپشن کے کم ازکم 4 کیسس پھر سے کھول رہا ہے۔ نواز شریف نومبر 2019 میں طبی بنیادوں پر لندن گئے تھے۔

لاہور ہائی کورٹ نے انہیں علاج کے لئے 4 ہفتوں کی ضمانت دی تھی۔ وہ العزیزیہ ملز کرپشن کیس میں لاہور کی کوٹ لکھپت جیل میں 7 سال کی سزا کاٹ رہے تھے۔