پلاسٹک کے نوٹ کی تجویز پر بات چیت ابتدائی سطح پر آر بی آئی گورنر

ممبئی :  ریزرو بینک انڈیا (آر بی آئی) کے گورنر سنجے ملہوترا نے جمعہ کو کہا کہ پولیمر کے کرنسی نوٹ چلانے کی تجویز پر بات چیت ضرور ہوئی ہے لیکن یہ معاملہ ابھی ابتدائی سطح پر ہے۔

مسٹر ملہوترا آر بی آئی کی مانیٹری پالیسی کمیٹی کے دو ماہی اجلاس کے نتائج کی اطلاع دینے کے لیے بینک کے ہیڈ کوارٹر پر منعقدہ پریس کانفرنس میں صحافیوں کے سوالات کے جوابات دے رہے تھے۔ انہوں نے پلاسٹک کے نوٹ کی تجویز سے متعلق ایک سوال پر کہا کہ کچھ بات چیت ضرور ہوئی ہے، لیکن یہ ابھی بالکل ابتدائی سطح پر ہے۔ انہوں نے کہا کہ پولیمر شیٹ کی کرنسی کی خوبیوں اور خامیوں پر غور کیا گیا ہے لیکن یہ ابھی بالکل ابتدائی سطح کا ہے۔

پولیمر نوٹ خاص قسم کے پلاسٹک سے بنے ہوتے ہیں۔ ان میں ہندوستان میں اس وقت چل رہے نوٹوں کی طرح کپاس کے گودے والے کاغذ کا استعمال نہیں کیا جاتا ہے۔ ان کے حق میں کہا جاتا ہے کہ یہ نوٹ کاغذ کے نوٹ سے زیادہ مضبوط ہوتے ہیں اور لمبے عرصے تک خراب نہیں ہوتے۔ اس سے نوٹ کی لاگت بھی کم آتی ہے۔ کناڈا، برطانیہ اور سنگاپور جیسے کئی ممالک میں پولیمر نوٹ کا استعمال ہو رہا ہے۔