وزیر اعظم نے صدر جنوبی آفریقہ کو تلنگانہ کی ”صراحی“ کا تحفہ دیا

نئی دہلی: آرٹ ورک (فن پارے) اور ہندوستانی ورثہ کی عکاسی کرنے والی روایتی اشیاء جو،ہانسبرگ میں برکس سربراہی سمٹ میں چند عالمی قائدین کیلئے وزیر اعظم نریندر مودی کے پسند کے تحائف رہ چکے ہیں۔

وزیر اعظم مودی نے تلنگانہ کی خوبصورت صراحی کی ایک جوڑی کا جنوبی آفریقہ کے صدر کے رام  پھوساکو تحفہ دیا جبکہ انہوں نے میزبان ملک کی خاتون اول و  رام پھوسا کی اہلیہ کوناگالینڈ کی شال تحفہ میں دی۔

انہوں نے نوٹ کیا کہ ”بیدری صراحی“ خالص ہندوستانی اختراع ہے اور یہ کرناٹک کے شہر بیدر سے منسوب ہے۔ اس صراحی(گلدان) کو جست(زنک) کاپر اور دیگر مرکب دھاتوں سے ڈھالا جاتا ہے۔

 کاسٹنگ پر خوبصورت نقش کندہ ہیں جس پر چاندی کے تاروں کا خوبصورتی سے کام کیا جاتا ہے۔ اس کا سٹنگ(صراحی) کو بیدر قلعہ کی ایک خاص مٹی کے محلول میں بھگوایا جاتا ہے جس میں اکسیڈائزنگ کی خصوصیت موجود رہتی ہیں جس سے جست کا مرکب، سیاہ چمکدار ہوجاتا ہے اور چاندی کا جڑنا، سیاہ پس منظر میں انتہائی چمکدار وخوبصوت ہوتا ہے۔

اس تحفہ میں چاندی کی نقاشی بھی تھی جسے پہلے کا غذ پر اتارا جاتا ہے پھر اس کو چاندی کی چادر پر منتقل کیا جاتا ہے۔ناگا شال، ٹکسٹائل کا ایک منفرد آرٹ ہے جسے ملک کے شمال مشرقی علاقہ ناگا لینڈ کے قبائیلی، تیار کرتے ہیں۔

 ہر ایک ناگا شال کی ایک منفرد تاریخ رکھتی ہے۔ مودی نے یہ شال جنوبی آفریقہ کے صدر کی اہلیہ کو پیش کیا۔ وزیر اعظم مودی نے مدھیہ پردیش کی گونڈ پینٹنگ برازیل کے صدر کو تحفہ میں دیا۔