مالدیپ سے ہندوستانی فوج کو نکل جانے نو منتخب صدر ڈاکٹر محمد معیزو کا حکم

مالے: مالدیپ کے نومنتخب صدر ڈاکٹر محمد معیزو نے ہندوستانی فوج کو ملک سے نکل جانے کا حکم دے دیا۔ برطانوی نشریاتی ادارے کے مطابق مالدیپ کے نومنتخب صدر نے انتخابات میں کامیابی کے چند روز بعد ہندوستانی سفیر سے ملاقات میں ہندوستانی فوج کو واپس بھیجنے کا حکم دیا۔

مالدیپ کے صدر نے اپنے بیان میں کہاکہ وہ  اپنی سرزمین پر کسی غیرملکی فوج کو برداشت نہیں کریں گے۔ اُنہوں نے تمام ہندوستانی فوجیوں کو فوری طور پر واپس جانے کا حکم دے دیا ہے۔ ہندوستانی فوج کی موجودگی مالدیپ کو خطرہ میں ڈال سکتی ہے۔ صدرمعیزو نےکہاکہ میں مالدیپ کے عوام سے ہندوستانی فوج کو واپس بھیجنے کا وعدہ کیا تھا۔

واضح رہے کہ ہندوستان نے فروری 2021 میں ایک متنازعہ معاہدہ کے تحت مالدیپ میں اپنی فوج تعینات کی تھی۔ مالدیپ کی فورسز کا کہنا ہے کہ ان کے ملک میں موجود ہندوستانی طیارے مالدیپ کی جاسوسی کیلئے استعمال کیے جاتے ہیں۔