بھارت

کانگریس ورکرس میں بی جے پی سے لڑنے کی ہمت: پرینکا گاندھی

نوارائے پور: کانگریس قائد پرینکاگاندھی وڈرا نے اتوار کے دن کہا کہ لوک سبھا الیکشن سے قبل اپوزیشن جماعتوں سے توقعات ہیں کہ وہ متحد ہوجائیں لیکن زیادہ توقعات کانگریس سے ہیں۔

متعلقہ خبریں
بی جے پی حکومت اپنی ناکامیاں چھپانے جذباتی مسائل اٹھارہی ہے: ملیکارجن کھرگے
الیکٹورل بانڈس اسکیم، جبری وصولی ریاکٹ: راہول گاندھی (ویڈیو)
بی جے پی میں دستور بدلنے کی ہمت نہیں: ر اہول گاندھی
راہول گاندھی، بی جے پی کو کڑی ٹکر دینے کسی اور حلقہ کا رخ کریں: ڈی راجہ
مودی کے رام راج میں دلتوں کو نوکری نہیں ملتی: راہول گاندھی

انہوں نے پارٹی ورکرس سے کہا کہ وہ کانگریس کا پیام عوام میں لے جائیں اور حکومت کی ناکامیاں اجاگرکریں۔ کانگریس جنرل سکریٹری نے یہاں اپنی پارٹی کے 85 ویں پلینیری سیشن میں کہا کہ اب ہمارے لئے صرف ایک سال رہ گیا ہے۔

ہم سے یعنی اپوزیشن سے توقعات ہیں کہ ہم متحد ہوجائیں گے۔ تمام اپوزیشن جماعتوں اورلوگوں کو جن کی آئیڈیالوجی بی جے پی مخالف ہے متحد ہوجاناچاہئیے۔

سبھی سے توقعات ہیں لیکن زیادہ توقعات کانگریس سے ہیں۔ انہوں نے پارٹی کیلئے لڑنے پر کانگریس ورکرس کی جدوجہد کی ستائش کی۔ پرینکا گاندھی نے کہا کہ ہمیں پتہ ہے کہ آپ کے اندر بی جے پی سے لڑنے کی ہمت ہے۔

وقت آگیا ہے کہ ملک کو یہ ہمت دکھائی جائے۔ انہوں نے کہا کہ کانگریس کو منڈل سطح سے تنظیم کو مستحکم کرنا ہے۔