گروپIV کی جائیدادوں پر تقررات کیلئے امتحانات کی تاریخ کا اعلان

حیدرآباد: تلنگانہ اسٹیٹ پبلک سرویس کمیشن نے گروپIV کی جائیدادوں پر تقررات کے امتحانات کی تاریخ کا اعلان کردیا ہے۔

آج جاری کردہ اطلاع کے مطابق یکم جولائی کو ریاست بھر میں گروپIV امتحانات منعقد کئے جائیں گے۔ یکم جولائی کو 10بجے دن تا دوپہر12:30 بجے تک پیپرI اور دوپہر2:30 بجے سے شام 5بجے تک پیپرII کا امتحان منعقد ہوگا۔

یہاں اس بات کاتذکرہ ضروری ہے کہ ریاست بھر میں گروپIV کی ملازمتوں کیلئے9لاکھ سے زیادہ امیدواروں نے درخواستیں داخل کی ہیں۔ امتحان کا انعقاد ریاست کے تمام33اضلاع میں لایا جائے گا۔

امتحان اردو، انگلش اور تلگو زبان میں منعقد ہوں گے۔ ریاست بھر میں مختلف سرکاری محکموں میں 8,000 سے زیادہ جائیدادوں پر تقررات کیلئے گروپIV امتحانات منعقد کئے جائیں گے۔

ان میں خاص کر جونیر اسسٹنٹ، جونیر اکاونٹنٹ، وارڈ آفیسرس قابل ذکر ہیں۔ یکم دسمبر2022 کو ٹی ایس پی ایس سی کی جانب سے گروپ IV عہدوں پر تقررات کا اعلامیہ جاری کیا گیا تھا۔

درخواستوں کی ادخال کیلئے 3فروری آخری تاریخ مقرر ہے۔ درخواست گذاروں کی بڑی تعداد کو دیکھتے ہوئے عہدیداروں کی جانب سے نقائص سے پاک انتظامات کئے جارہے ہیں۔