بی جے پی حکومت،اے پی تنظیم جدید ایکٹ کے وعدوں پو راکرے:چاڈاوینکٹ ریڈی

حیدرآباد: سی پی آئی لیڈر چاڈا وینکٹ ریڈی نے سوال کیا کہ مودی کی گیارنٹی کی بات کرنے والی بی جے پی گزشتہ انتخابات کے دوران تلنگانہ سے کئے گئے وعدوں کو کیوں فراموش کرگئی۔

انہوں نے کہا کہ پہلے آندھراپردیش تنظیم جدید ایکٹ میں تلنگانہ سے کئے گئے وعدوں کوپورا کرنے کی ضرورت ہے۔

انہوں نے الزام لگایا کہ آندھراپردیش تنظیم جدید ایکٹ میں جو وعدے کئے گئے تھے، ان وعدوں پر عمل بھی نہیں کیاگیا۔

اس پر سوال اٹھانے والی اپوزیشن کا گلا دبانے کی کوشش کی جارہی ہے۔ای ڈی اور آئی ٹی کی کارروائی اپوزیشن کے خلاف کی جارہی ہے۔

انہوں نے سوال کیا کہ تلنگانہ کے لئے بی جے پی نے کیا کیا ہے؟عوام زعفرانی جماعت کی دھوکہ بازی والی باتوں پر یقین کرنے کے موقف میں نہیں ہیں۔انہوں نے الزام لگایا کہ مودی حکومت جھوٹ کا سہارالے رہی ہے۔