Tamil Nadu student period incident : ماہواری (حیض) کی حالت میں کمرۂ جماعت سے باہر بٹھا کر زبردستی امتحان دلوانے کا واقعہ
تمل ناڈو کے ضلع کوئمبتور میں ایک نجی اسکول میں آٹھویں جماعت کی طالبہ کو ماہواری (حیض) کی حالت میں کلاس روم سے باہر بٹھا کر سائنس کا امتحان دلوانے کا واقعہ سامنے آیا ہے۔
Tamil Nadu student period incident: کوئمبتور (تمل ناڈو): تمل ناڈو کے ضلع کوئمبتور میں ایک نجی اسکول میں آٹھویں جماعت کی طالبہ کو ماہواری (حیض) کی حالت میں کلاس روم سے باہر بٹھا کر سائنس کا امتحان دلوانے کا واقعہ سامنے آیا ہے۔ اس واقعے کی ویڈیو سوشل میڈیا پر تیزی سے وائرل ہو رہی ہے، جس کے بعد عوامی غم و غصہ بھی بڑھ رہا ہے۔
رپورٹس کے مطابق، متاثرہ بچی کا تعلق دلت (پسماندہ طبقہ) خاندان سے ہے اور یہ واقعہ ضلع کے کناتھوکڈاوُ نامی علاقہ میں واقع ایک نجی اسکول میں پیش آیا۔ بچی کی ماں نے واقعہ کی ویڈیو خود موبائل فون پر ریکارڈ کی اور متعلقہ تعلیمی حکام سے رابطہ کیا۔
واقعہ کب اور کیسے پیش آیا؟ (Tamil Nadu student period incident)
ذرائع کے مطابق یہ افسوسناک واقعہ رواں ہفتہ میں دو مرتبہ پیش آیا پہلی مرتبہ پیر، 7 اپریل کو اور دوسری مرتبہ منگل، 9 اپریل کو۔
یہ بھی پڑھیں: UP woman threatens husband: شادی شدہ زندگی کا خوفناک موڑ، پولیس بھی الجھن کا شکار (عاشقhttps://urdu.munsifdaily.com/up-woman-threatens-husband/ کی ویڈیو وائرل)
متاثرہ طلبہ نے 7 اپریل کی شام کو اپنی والدہ کو بتایا کہ اسے ماہواری کی حالت میں کلاس روم میں بیٹھنے کی اجازت نہیں دی گئی اور اسے زبردستی کمرے سے باہر امتحان دینے پر مجبور کیا گیا۔ منگل کے دن جب والدہ اسکول پہنچیں تو انہوں نے خود اپنی بیٹی کو کلاس کے باہر زمین پر بیٹھا ہوا دیکھا، جس پر انہوں نے فوراً موبائل سے ویڈیو ریکارڈ کی۔ یہی ویڈیو بعد میں سوشل میڈیا پر وائرل ہو گئی۔
ایک مقامی دلت کارکن نے میڈیا سے گفتگو کرتے ہوئے کہا "یہ سراسر ناانصافی ہے۔ حیض ایک قدرتی عمل ہے، اس پر کسی بھی بچی کے ساتھ امتیازی سلوک کرنا نہ صرف غیر انسانی ہے بلکہ سماجی سطح پر بھی خطرناک رجحان کو جنم دیتا ہے۔”
واقعہ کے بعد کوئمبتور کے ضلع کلکٹر نے بتایا کہ مقامی پولیس نے واقعہ کی تحقیقات شروع کر دی ہیں۔متعلقہ اسکول کے انسپکٹر کو ہدایت دی گئی ہے کہ وہ واقعہ پر ایک تفصیلی رپورٹ ضلعی انتظامیہ کو پیش کریں۔
