کنگنا رناوت نے اپنے آبائی حلقہ میں انتخابی مہم کا آغازکردیا

شملہ: ہماچل پردیش کی منڈی لوک سبھا سیٹ سے بھارتیہ جنتا پارٹی کی امیدوار اور مشہور فلم اداکارہ کنگنا رناوت نے اپنے آبائی حلقے میں انتخابی مہم شروع کی۔

کنگنا نے ہفتہ کو سڑکوں پر جلسوں اور استقبال کے بہانے انتخابی مہم شروع کرنی تھی لیکن موسم نے اس میں خلل ڈال دیا۔ ہفتہ کو انہوں نے اپنے گھر پر کارکنوں سے ملاقات کی۔

فی الحال بی جے پی کے مقامی ایم ایل اے دلیپ ٹھاکر اور بی جے پی ضلع کے عہدیداروں نے کنگنا کے حق میں مورچہ سنبھالا ہے۔ خاندان کے افراد فرنٹ فوٹ کےبجائے پس پردہ نظر آرہے ہیں۔ فی الحال کنگنا کوشش کر رہی ہیں کہ لوگ انہیں اپنا مانیں اور انہیں بالی ووڈ کی کوئین کے بجائے آشیرواد دیں۔

وہ یہ بھی کوشش کر رہی ہے کہ لوگوں کو یہ خیال نہ ہونے دیا جائے کہ ان سے ملنا مشکل ہے۔ دوسری جانب کنگنا رناوت کی بہن رنگولی چندیل کا کہنا تھا کہ ہفتے کے روز کنگنا نے اپنے گھر پر کارکنوں سے مختلف مسائل پر بات کرکے رہنمائی حاصل کی۔