وائٹ ہاؤس میں صحافی اور ٹرمپ کے درمیان تلخ جملوں کا تبادلہ

واشنگٹن: امریکی صدر ڈونلڈ ٹرمپ نے وائٹ ہاؤس میں زیر تعمیر نئے بال روم کی لاگت سے متعلق سوال کرنے والی ایک خاتون صحافی کو سخت جواب دیتے ہوئے ’’احمق‘‘ قرار دے دیا۔

چین روانگی سے قبل صحافیوں سے گفتگو کرتے ہوئے ٹرمپ نے کہا کہ وائٹ ہاؤس میں تعمیر کیے جانے والے بال روم کا حجم دگنا کر دیا گیا ہے کیونکہ اس کی ضرورت تھی۔

اس دوران ایک خاتون صحافی نے سوال کیا کہ بال روم کا بجٹ بھی تو دگنا ہو گیا ہے، جس پر صدر ٹرمپ نے برہمی کا اظہار کرتے ہوئے کہا، ’’تم اسمارٹ نہیں، احمق ہو۔‘‘

انہوں نے مزید کہا، ’’میں نے بال روم کا سائز ڈبل کیا ہے اور ہم اسے مقررہ بجٹ کے اندر وقت سے پہلے مکمل کر لیں گے۔‘‘

اسی گفتگو کے دوران امریکی صدر نے چین کے صدر شی جن پنگ کے ساتھ متوقع ملاقات کا ذکر کرتے ہوئے کہا کہ دونوں رہنما ایران جنگ سے متعلق تفصیلی تبادلہ خیال کریں گے۔

تاہم ٹرمپ نے واضح کیا کہ انہیں ایران کے معاملے پر چینی صدر کی مدد کی ضرورت محسوس نہیں ہوتی۔